Skip to main content

Posts

Showing posts from 2018

மாறும் நிலங்களை மொழிபெயர்க்கும் கவிஞன்

சிறுவயதிலேயே ‘வால்கா முதல் கங்கை வரை’ நூலைப் படித்துவிட்டு உற்பத்தி உறவுகளின் கதையாக இந்த உலகத்தின் கதையை வாசிக்கத் தெரிந்த இந்திய, தமிழ் குடியானவன்.
யவனிகா என்று இவர் வைத்த பெயர் எழுத்தாளர் சுஜாதா நாவலின் பெயராக பின்னால் ஆனது. 1990-களில் ஏற்பட்ட புதிய பொருளாதாரக் கொள்கைகளால் பாரம்பரியத்தொழிலை இழந்தவர்களில் ஒருவர். தலித் அரசியல், தலித் இலக்கியம், சோவியத் உடைவுக்குப் பின் மார்க்சியம் சந்தித்த நெருக்கடி, பின் நவீனத்துவ,அமைப்பியல் கோட்பாட்டு விவாதங்களும் இவரது கவிதையில் கதைகளாக, கதாபாத்திரங்களாக, குழந்தைகள் விளையாடும் கூழாங்கற்களைப் போல உருளுகின்றன.
வியாபாரத்துக்காக இந்தியாவின் வடகிழக்கு மாநிலங்களில் அலையத் தொடங்கியபோது இவரது கவிதைகளில் மாறும் நிலங்கள், தாவரங்கள் செறிவூட்டப்பட்டிருக்க வேண்டும். சிறு துணி வணிகனாக கிழக்கு ஆசிய நாடுகளிலும் பயணம் செய்யத் தொடங்கியபோது, ஒரு புதிய வர்த்தகக் காலனியாக உருவாகி மேல்கீழாக மாறப்போகும் இந்தியாவின் நிலங்களை மனிதர்களை தீர்க்க தரிசனமாகப் பார்த்துவிட்டான் யவனிகா. அப்படியாக ஊகித்து உணர்ந்த அவனது கவிதைகளின் முதல் தொகுதிதான் ‘இரவு என்பது உறங்க அல்ல’. இரவு என்ப…

சினேகமுடன் பாலா

தந்தை, தாய்க்கிடையே பிணக்கையும் தீராத சச்சரவையும் பார்த்து வளரும் குழந்தைகள் ஆரம்பத்திலேயே பாரம்பரியம், கவுரவம் போன்ற விஷயங்களில் நம்பிக்கை இழந்துவிடுகின்றன’ - தாஸ்தாயெவ்ஸ்கிக்காக கோணங்கி தொகுத்து வெளியிட்ட ‘கல்குதிரை’ சிறப்பு மலரில் பார்த்த இந்த வாக்கியம்தான், பள்ளிப் பருவத்திலேயே எழுத்தைத் துறையாகத் தேர்ந்தெடுக்க வைத்தது. மகிழ்ச்சியற்ற குடும்பங்களிலிருந்து வரும் குழந்தைகள்தான் அதிகமாக லௌகீக உத்தரவாதமற்ற துறைகளை நோக்கி ஈர்க்கவும்படுகின்றனர் என்று தோன்றுகிறது.
எனது துக்கம் இந்த உலகிலேயே தனியானது என்று நினைத்திருந்த 15 வயதில், “உன்னைப் போலத்தான் பாலகுமாரனுக்கும் அப்பாவைக் கண்டால் ஆகாது” என்ற அறிமுகத்துடன் கொடுக்கப்பட்டது ‘சினேகமுள்ள சிங்கம்’ நாவல். இப்படித்தான் பாலகுமாரன் எனக்கு அறிமுகமானார். அடுத்த 10 நாட்களிலேயே ‘இரண்டாவது சூரியன்’ கிடைத்துவிட்டது. என் தந்தையாரோடு நான் பழகிக்கொண்டிருந்த ரவுத்திரத்தையும் என் அம்மா மீதான நேசத்தையும் மகத்துவப்படுத்தியவர் பாலகுமாரன். தாய்க்கும், காதலிக்கும், மனைவிக்கும் தாயுமானவனாக விளங்கும் ஒரு ரொமாண்டிக்கான ஆணை எனக்குள் லட்சிய உருவமாக மாற்றியவரும் அவர்த…

தொட்டில் ஆடிக்கொண்டு தான் இருக்கிறது

எங்கே ஆடுகிறது அந்தத் தொட்டில் என் குழந்தை வளர்ந்து விட்டாள் ஆனால் தொட்டில் ஆடும் சத்தம் கேட்கிறது தூளியை ஆட்டி ஞாபகமிருந்த ஒரே ஒரு தாலாட்டைப் பாடிய பெரியம்மாவும் இப்பூமியில் இல்லை ஆனாலும் தொட்டில் ஆடிக்கொண்டு தான் இருக்கிறது. தொட்டில் கம்பு கொண்டுவந்த நெல்லையப்பன் அத்தான் இப்போது இல்லை ஆனாலும் தொட்டில் ஆடிக்கொண்டு தான் இருக்கிறது. முதல்முறையாக வண்ணங்களை என் மகள் அறிவதற்கு சொல்லித்தந்த கிளி எங்கே போனது தெரியவில்லை ஆனாலும் தொட்டில் எங்கோ ஆடிக்கொண்டு தான் இருக்கிறது.


திருட்டுப்பூனை

வீட்டின் தாழ்வார மிதியடியருகே அடுத்த காலடி நெருக்கத்தில் கருமையும் வெள்ளையும் மினுமினுத்து நெளிய ஒரு குண்டு உடலைப் பார்த்தேன் திடுக்கிட்ட பிறகுதான் பூனை என்று எண்ணம்  முழுமையாய் வரைந்தது நான் பார்த்த பிறகு அது ஓடிவிட்டது
நான் பார்க்காத வேளையில் அது அங்கே வந்து இருந்து சில நிமிடங்கள் ஆகியிருக்கும் படியிறங்கி ஓடி காம்பவுண்ட் சுவரைத் தாண்டுவதற்கு முன்னால் அதற்கு நான் வரைந்த உடலை அதுவே தொகுக்கும் வேலை.
ஆனால் நானோ அதன் முகத்தைக் கூட முழுமையாகப் பார்க்காமல் திருட்டுப் பூனை திருட்டுப் பூனை திருட்டுப் பூனை என்று

ஓநாயை எப்படி அழைப்பது

ஓநாய்
சிலதருணங்களில்
ஓநாயாகஇருப்பதில்லை
சிலதருணங்களென்றுகுறுக்கவேண்டாம்
பெரும்பாலானதருணங்களில்
தாம்ஓநாய்களேஅல்லஎன்று அவைசொல்லக்கூடும்.
நமக்கிருப்பதைப்போல
கோட்ஸ்டாண்ட்இருந்தால்
ஓநாயைவெளிப்படையாகக்களைந்து
தொங்கவிட்டு
இளைப்பாறக்கூடலாம்அவை.
அந்தகோட்ஸ்டாண்டின்இன்னொருகாம்பில்
முயலும்முயலைக்கழற்றித்தொங்கவிட்டிருக்கும்.


நீ இல்லை

ஸ்டீபன் வோலின்ஸ்கியின் நண்பர் கார்ல் ராபின்சன் நிசர்கதத்த மகராஜிடம் போய்க் கேட்டார். "நான் அமெரிக்காவுக்குத் திரும்பிவிடவா  அல்லது இந்தியாவிலேயே இருக்கவா?"
நிசர்கதத்த மகராஜ் பதிலளித்தார். இந்தியாவில் இருக்கலாம்  அல்லது  அமெரிக்காவுக்கே திரும்பிப் போகலாம்  நீ இல்லை அதனால் லாபமும் இல்லை ஒரு நஷ்டமும் கிடையாது.
(நிசர்கதத்த மகராஜ், சென்ற நூற்றாண்டில் புனே நகரத்தில் வாழ்ந்த அத்வைத வேதாந்தி, புகையிலை வியாபாரி)

ரமணர் வளர்த்த முயல்

முயல்களிலேயே சின்னஞ்சிறிய முயலை
ரமணர் வளர்த்தார்.
ஒரே ஒரு புகைப்படத்தில்
அவருடைய பிருஷ்ட மெத்தைக்கருகில் அமர்ந்து
கம்பீரமாக முகம் காட்டி
காதுகளை உயர்த்தி
வரலாற்றில் இடம்பெற்று விட்டது.
சிறுவன் வெங்கட்ராமனை அதற்குத் தெரியுமாம்
அந்த முயலின் கண்கள் சொல்கின்றன.


களங்கமின்மையே போய் வா

மிகத்தாமதமாக, 1991-ல்எனதுப்ளஸ்டூகணிதஇறுதித்தேர்வுக்குஇரண்டுநாட்களுக்குமுன்னர்ஸ்ரீதேவி, விஜிஎன்றகதாபாத்திரமாகஎன்றைக்குமானதோழியாகஅறிமுகமானார். பாடமாகமட்டுமின்றிவாழ்க்கையின்கணிதமும்குழம்பத்தொடங்கியிருந்தநாட்களில்தோல்விஉறுதிஎன்றஉள்ளுணர்வுவந்திருந்தது. அந்தஉள்ளுணர்வேபடிப்படியாகஒருசாகசஉணர்வையும்தைரியத்தையும்கொடுக்கத்தொடங்கியிருந்தது. பாலகுமாரன், சுஜாதா, சரோஜாதேவிகதைகள்எனரகசியக்கனிகள்எனக்குத்திறந்துகொண்டேஇருந்தகாலம். சிறப்புவகுப்புக்குப்போவதாகவீட்டில்சொல்லிவிட்டு, ஒருசனிக்கிழமையில்ரத்னாதிரையங்கரங்கில்